Monday, January 10, 2011

ഒരു പേരിലെന്തിരിക്കുന്നു !

ആദ്യമായന്നന്നമൂട്ടിയ നാളിലെന്‍
കാതിലായ് ചൊല്ലിയതാണെ-
ന്നച്ഛനെന്‍ പേര് !
പിന്നെയോരോരുത്തരായ് നീട്ടിയും
കുറുക്കിയും വിളിച്ചതുമെന്‍ പേര് .
പിന്നെ തെറ്റിയാരോ വിളിച്ച-
യെന്‍ പേരിനെ തിരുത്തിയപ്പോ-
ളാരോ മൊഴിഞ്ഞതല്ലോ
ഒരു പേരിലെന്തിരിക്കുന്നു ?
പിന്നെയും നീട്ടിവിളിക്കുന്നു
എന്‍ പേര് ചൊല്ലിയും
വിളിപ്പേരു ചൊല്ലിയും .
ഇന്നു ഞാനറിയുന്നു
എന്‍ നേര്‍ക്കു നീളും
നിന്‍ ചൂണ്ടുവിരലാണെന്‍ പേര് !



------------------------------------
കുറച്ചു പഴയതാ എന്നാലും പോസ്റ്റുന്നു .